«Ынтымак» партиясынан аз добуш менен депутаттыкка шайланган Талант Мамытов ички талаш-тартыштын айынан зорго спикер болгон. Эми көчүгү ээрге батып алган соң, өзүнчө эрдемсип, кыйын боло баштаптыр.

Парламенттеги оюнчу депутаттардын тилине кирип, Садыр Жапаровдун командасындагы белдүү кадрларды аксатуу, чалып жыгуу жагынан амалдана баштаганы кандай? Интриганын сазына бата берсе, Жогорку Кеңештин төрагалыгынан кулатуу маселеси жакында көтөрүлбөйбү? Же күзгө чейин сыноо беришеби?..

Эске салсак, Талант Мамытов 2010-жылы Камчыбек Ташиевдин артынан депутат болуп, кийин Өмүрбек Бабановго өтүп кетип, «саткынчы» катары аталган. Көнгөн адат калабы, уйга жүгүн салабы?.. дегендей, бара-бара президенттин башын аттап кетпейби? Эмитен эле шек жарата баштады...

Булак: Азия News гезити