Доллардын курсунун өсүшүнөн улам Кыргызстандагы банктардан насыя алгандар кыйын абалга кептелди. Бул тууралуу депутат Надира Нарматова Жогорку Кеңештин жыйынында билдирди.

Айрыкча чет элдик валютада насыя алгандар үчүн кыйын болуп жатканын белгиледи.

«Доллар менен насыя алгандар кыйынчылыктарга туш болушат. Опурталдуу кырдаал түзүлүп жатат. Улуттук банктын төрагасын чакырып, маалымат угуу керек», - деди ал.

Эске салсак, өткөн аптада бир нече депутаттар КРдагы валюта рыногундагы кырдаал боюнча Улуттук банктын төрагасынын маалыматын угууну сунушташкан.

Булак: NazarNews.kg