Кызы менен аялына "мен кеттим" деп SMS-билдирүү жазган тургун кайда экени белгисиз болууда. Бул тууралуу бүгүн, 9-июнда  Өзгөчө кырдаалдар министрлигинин Нарын облусу боюнча башкармалыгынын башчысы Токтобек Шонкоев билдирди.

"Нарын шаарынын Москва көчөсүнүн 1971-жылы туулган А.Т. аттуу тургуну дарыяга коюлган асма көпүрөнүн жанында телефон аркылуу сүйлөшүп отурганын жашоочулар көрүшкөн экен. Кызы менен байланышса, ал "эмне кылып жүрөсүз үйгө барыңыз" деп айтыптыр. Ошондон кийин ал кызы менен аялына "мен кеттим" деп SMS-билдирүү жазыптыр", - деп билдирди Шонкоев.

Изделип жаткан тургун психикалык жактан жабыркаган эмес. Ал буга чейин жол курулуш тармагында иштеп, 3 күн мурда айлык маяна алганы айтылууда. Куткаруучулар тургунду издөөгө чыгып, таба алышкан эмес.

Камчыбек Бостон, NazarNews.kg