Кечээ, 7-июнда Нарын шаарында чыккан чырдан улам жаш жигит жамбашка бычак жеди. Бул тууралуу милициядан билдиришти.
Маалыматка ылайык, милицияга Нарын шаарынын 1992-жылы туулган тургуну Ж.А. арыз менен кайрылып, 7-июнда саат 17:30 чамасында бейтааныш 3 адам менен чырдаша кеткендиктен алар Ж.А.ны сабап, денесине жаракат келтирип, ашкана бычагы менен сол жамбашына бир жолу сайып жиберишкендигин айткан. Анын кесепетинен Ж.А. Нарын облустук бириктирилген ооруканасынын сынык-жаракат бөлүмүнө жаткырылган.

Аталган окуя Нарын ШИИБ тарабынан Кылмыштардын жана жоруктардын бирдиктүү реестрине Жазык кодексинин 139-беренеси (Ден соолуккка анча оор эмес зыян келтирүү) менен катталып, сотко чейинки өндүрүш иши тергелип баштаган. Учурда териштирүү иштери жүргүзүлүп жатат.

Булак: NazarNews.kg