Назира Айтбекова Алмазбек Атамбаевдин эне жөнүндө ырын уккандан кийин “эзилип»  жазса керек. Фейсбуктагы өзүнүн баракчасына мындай деп жазыптыр:

“Эмнегедир жакшы көрөм ушул кишини. Жарыктык, көңүлү жумшак, сезимтал өңдөнөт. Өзү менен өзү сүйлөнүп, өзүнчө жеке дүйнөсүндө жүрө бергендей сезилет. Жоголуп кетчүдөй жеңемди жетелеп алганда, андан бетер эзилип, ээрип кетем.

Ар бир сөзүн электен (фильтрден ) өткөрүп, эл алдында укмуш кооз сүйлөп, койнунда котур ташы болуп тургандан көрө оюн түз эле айтканы дуруспу деп коём. Ким билсин?

Ажолук деле ар бир адамга буюра бербейт. Касиети бар адам да. Ыры жакты. Арзуу, махабат, сұйұұ дайрасына чулгангыла!
Президентибиз жөнүндө оюбузду кенен айта алганыбыз кандай сонун! Жашасын эркиндик!”

Булак: «NazarNews.kg»