www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Синоптиктер жакынкы күндөрү Кыргызстанда аба ырайы туруксуз болуп, айрым жерлерде үшүк жүрөрүн, ал эми кээ бир аймактарда сел жүрүү коркунучу бар экенин эскертти.
Гидрометеоборбордун маалыматына караганда, 17-18-апрелде түнкүсүн Талас облусунун дыйканчылык аймактарында 0...-2° үшүк, 18-19 апрелде түнкүсүн Ысык-Көл облусунун дыйканчылык аймактарында 0...-2° үшүк жүрөт. Абанын муздашы өрүктүн бүчүрлөрүнө жана гүлдөрүнө, данектүү мөмө бактарынын эрте сортторунун бүчүрлөрүнө кооптуу.
Ал эми 16-апрелде жаан-чачынга байланыштуу Кыргызстандын тоолуу райондорунда, Бишкек-Ош автожолундагы Төө-Ашуу, Ала-Бел ашууларында жана Чычкан капчыгайында, Ала-Бука - Каныш-Кыя автожолундагы Чапчыма ашуусунда, Каракол-Эңилчек автожолунун Чоң-Ашуу ашуусунда кар күрткүсү пайда болуп, кар көчкү түшүшү ыктымал. Айрым жерлерде жолго муз тоңуп, тайгак болот.
Ошондуктан адистер автоунаалардын ортосундагы 500 метрлик аралыкты так сактоо зарыл экенин эскертишүүдө.
Нөшөрлөгөн жаанга байланыштуу Ош, Жалал Абад, Баткен облустарынын тоолуу жана тоо этектериндеги райондорунда сел жүрүшү мүмкүн.
Булак: NazarNews.kg
< Предыдущий
Следующий >
Последние новости
