Бүгүн, 3-октябрда, Бишкектин четиндеги Күн-Туу айылында жол кырсыгынан улам окуучу каза болду. Бул тууралуу Чүй облустук жол коопсуздук кызматынан билдиришти.

Маалыматка караганда, саат 16:00 чамасында №18 автобустун айдоочусу аялдамада элди түшүргөн. 5-класстын окуучусу арткы эшигинен түшкөн, бирок анын буту кыпчылып калган. Аны байкабай калган айдоочу автобусту айдап кетип, анын жыйынтыгында бала дөңгөлөк астында калып каза болгон.

Бул окуя боюнча учурда иликтөө иштери жүрүп жатат.

Булак: NazarNews.kg