Олимпиада оюндарында Кыргыз Республикасынын мамлекеттик желегин курама команданын мүчөсү Каныкей Кубанычбекова көтөрүп чыга турган болду. Буга чейин Олимпиада оюндарынын ачылышында өлкө желегин мырзалар көтөрүп чыккан.

Демек, Каныкей Кубанычбекова — Олимпиада оюндарында Кыргызстандын желегин көтөрө туган алгачкы айым.

Буга чейин Кыргызстандын желегин кимдер көтөрүп чыккан?

Атлантада (1996-жыл) — Сергей Ашихмин (сууда сүзүү);

Сиднейде (2000-жыл) — Раатбек Санатбаев (грек-рим күрөшү);

Афинада (2004-жыл) — Митал Шарипов (оор атлетика);

Пекинде (2008-жыл) — Талант Жанагулов (дзюдо) ачылыш аземде, Базар Базаргуруев (эркин күрөш) жабылыш аземде көтөрүп чыккан;

Лондондо (2012-жыл) — Чыңгыз Мамедов (дзюдо) ачылыш аземде, Бекзат Осмоналиев (оор атлетика) жабылыш аземде көтөрүп чыккан;

Риодо (2016-жыл) — Эркин Адылбек уулу (бокс).

Булак: NazarNews.kg