Москва Ооганстандын баш калаасында Орусиянын элчилигинин жанында жасалган террордук актты кескин айыптайт. Бул тууралуу бүгүн, 5-сентябрда РФ президентинин басма сөз катчысы Дмитрий Песков билдирди.

«Албетте, биз террордук акт тууралуу айтып жатабыз, бул таптакыр кабыл алынгыс. Биз мындай террордук актыларды кескин айыптайбыз», - деди Кремлдин өкүлү.

Ал белгилегендей, азыр эң негизгиси дипломаттарга жана өкүлчүлүктүн өкүлдөрүнө болгон окуя тууралуу жеринде маалымат берүү.

Ал «маалымат азыр такталууда» деп кошумчалады.

Эскерте кетсек, бүгүн, 5-сентябрда Орусиянын Кабулдагы элчилигинин алдында теракт болгон. «Рейтер» агенттигинин полицияга таянып жазганына караганда, бул жардырууну жанкечти-террорист жасаган. Орусиянын Тышкы иштер министрлигинин маалыматы боюнча, жардыруудан дипломатиялык өкүлчүлүктүн эки кызматкери каза болгон.

Булак: NazarNews.kg