Кремль жарым-жартылай мобилизация жарыялаары менен Грузияга орус жарандарынын агымы бир топ көбөйдү.

Акыркы күндөрү Жогорку Ларс өткөрмө бекетинен он миңдеген орусиялыктар өттү. Орус-грузин чек арасындагы кургактагы жалгыз чек ара бекетинин кире беришиндеги тыгын 30 чакырымга созулду.

Грузиянын ички иштер министри Вахтанг Гомелауринин айтымында, чек арадан өтүү 40-45% көбөйгөн, бирок, бул өлкөгө 250 миң же 2 миллион адам кирет дегенди билдирбейт, келгендердин 60% жакыны өлкөдөн чыгып кетет.

Украина-Орус согушунан кийин Грузияга орус жарандарынын агымы тынымсыз көбөйгөн. Иммигранттардын агымы Грузиянын кыймылсыз мүлк рыногунда бааларды 60-80%га көтөрдү.

Galt & Taggart инвестициялык банкынын эксперти Каха Самкурашвили орус жарандары көбүнчө батирлерди ижарага алышарын айтат.

“Украинада согуш башталаары менен март айында мигранттардын чоң агымы агылып, бул ижара рыногуна чоң таасирин тийгизди. Ошондуктан, апрель айында баалар орто эсеп менен 60% секирип кетти. Андан кийин алар турукташып, жөн гана термелишти. Кыймылсыз мүлккө болгон суроо-талап негизинен бай мигранттардан келип чыгат, алар мүлктү ижарага алышат, анткени алардын бул жерде болушу чоң суроо туудургандыктан азыркы шарттарда сатып алуу туура эместей көрүшөт”-деди ал.

Бирок акыркы убакта Россиянын жарандары кыймылсыз мүлк жана жер сатып алууга кызыгуусун арттыра баштады. Грузиянын улуттук кыймылсыз мүлк ассоциациясынын төрагасы Важа Мебагишвили буларга токтолду.

“Кыймылсыз мүлккө суроо-талап мобилизация жарыялангандан бери пайда болду. Бирок орусиялыктардын көбүнүн мындай чыгымдарга даяр эмес жана жер сатып алууга чамасы жетпейт. Миграциянын мурунку толкунунда жогорку бюджеттик кыймылсыз мүлккө суроо-талап байкалса, азыр 5-10 адам жашагысы келген кымбат эмес батирлерге суроо-талап болуп жатат. Бирок бизде андай сунуштар жок. Мобилизациядан кийин көбү үй издеп жатышат, бирок биз жардам бере албайбыз”— деди.

Булак: NazarNews.kg