Орусияда ата-энесинин кароосунан калган жашы жете элек жети бала Кыргызстанга алып келинди. Бул туурасында Эмгек, социалдык жактан коргоо жана миграция министрлигинин маалымат кызматы кабарлайт. Аларды алып келүү ишин Москвадагы элчилик менен Тышкы иштер министрлиги уюштурду.

"Министрлик социалдык жактан коргоо боюнча райондук башкармалыктар менен балдарды биологиялык үй-бүлөсү менен кошуу иштерин аткармакчы", — деп айтылат маалыматта.

Эгерде алардын биологиялык бүлөсүнө жайгаштырууга мүмкүн болбосо, асырап алууга берүү маселеси каралаарын айтылат.

Булак: NazarNews.kg