Орусиянын чектөөлөрдөн улам газ берүүсүн токтотуу Европанын катуу кыш келгенде жагабыз деп сактап койгон көгүлтүр отун азыртан эле чекесинен пайдалануусуна алып келүүдө. Бул туурасында РИА Новости Bloomberg агенттигине шилтеме берип кабарлады.

Газдын азайышы Франция, Италия, Австрия жана Германияга да тийиштүү болууда. Бул Siemens газ куурларын оңдоп-түзөө көйгөйүнөн улам "Газпромдун" газ трубинасынын ишин токтотуу чечимине байланыштуу экенин айтышты.

Европадагы жер алдындагы газ кампаларында сакталган көгүлтүр оттун көлөмү биринчи жолу апрелде азайган. Акыркы маалыматтарга караганда, резервдер бир пайыздык пунктуга азайган, анткен менен жайында газды толуктап, кышта катуу суук күчүнө киргенде пайдаланууга сакташчу.

Wood Mackenzie Ltd. компаниясынын берген пессимисттик божомолдоруна караганда, "Түштүк агым" толугу менен токтосо ЕБде эл колдонуу үчүн белгиленген көгүлтүр оттун запасынын деңгээлине жетпей калат. Анда январда эле отундун кору түгөнөрүн айтышты.

Аптанын башында "Газпром" чектөөлөрдөн улам "Портовая" компрессордук станциясы "Түндүк агымга" суткасына 100 миллион куб метрден гана бере аларын айткан. А негизи мурда 167 миллион көлөмдө пландалган. Немецтик Siemens компаниясынын агрегаттарында оңдоо иштери кармалып жасалып жаткандыктан, станцияда газды сордурган үч гана агрегатты колдонуу мүмкүндүгү жаралган. Газпром бул шаршембиде "Портоваяда" дагы бир агрегатты иштетүүнү токтоторун билдирди. Ага 16-июндан тарта суткасына 67 миллион куб метрден ашык газ жөнөтүүгө болбой тургандыгы себеп болгон.

Bloomberg агенттигинин маалыматына караганда, газ түтүгүнүн иши үчүн колдонулган маанилүү тетиктер антироссиялык санкциялардан улам Канададагы техникалык тейлөөдөн кийин кайра келбей жатат.

Reuters Канаданын Жаратылыш ресурстар министрлигине шилтеме берип, турбиналар боюнча Оттава жана Берлин сүйлөшүп жатканын жазган.

Орусия президентинин маалымат катчысы Дмитрий Песков Москва газ берүүнү бирөөнү жазалоо үчүн эч качан колдонбогондугун, отун продукциясын өзүнүн кызыкчылыгы үчүн гана сатып жатканын – орусиялыктардын турмушун жакшыртуу жана коммерциялык негизде жасап келгендигин билдирген.

Булак: NazarNews.kg