www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Орусиядагы жарым-жартылай мобилизациянын алкагында чакырылган орусиялык үч жаран Свердлов облусунда каза болду. Бул тууралуу EAN билдирди.
Белгилүү болгондой, эки мобилизацияланган Россия Федерациясынын Коргоо министрлигинин Порошино айылындагы окуу борборунун Еланский гарнизонунун аймагында каза болгон. Дагы бирөө үйүнө жөнөтүлгөндөн кийин каза болгон. Бул маалыматты басылмага Мамлекеттик Думанын Свердлов облусунан депутат Максим Иванов тастыктады.
«Ооба, мен тастыктайм, үчөө каза болду. Мобилизациялангандардын бири талма оорусунан каза болсо, экинчиси өз жанын кыйган. Үчүнчүсү эсептен чыгарылып, үйүнө жөнөтүлүп, ал дароо боордун циррозунан каза болду», - деди парламентарий.
Өз кезегинде Свердлов облусунун Акыйкатчысы Татьяна Мерзлякова каза болгондордун экөө Курган облусунан келгенин айтты, деп жазат E1.ru. Анын айтымында, окуянын чоо-жайын иликтөө менен Еланский гарнизонунун аскердик тергөө бөлүмү алектенүүдө.
«Бирөөнүн өлүмү алкоголдук ичимдиктен уулануунун фонунда эпилепсия оорусу менен коштолушу мүмкүн. Аскердик тергөөчүлөр экинчисинин өлүмүнүн себептерин иликтеп жатышат», — деди Мерзлякова.
Булак: NazarNews.kg
< Предыдущий
Следующий >
Последние новости
