Орусияда жүрүп Facebook социалдык тармагындагы баракчасына мезгил-мезгили менен кастыкты козутуучу чагымчыл мүнөздөгү басылмаларды жарыялап турган Э.Б. аттуу кыргыз жараны кармалды. Бул тууралуу Улуттук коопсуздук комитетинен билдиришти.

Маалыматка ылайык, Э.Б. карата Бишкек шаарынын Биринчи май райондук сотунун чечими менен камакка алуу түрүндөгү бөгөт коюу чарасы сырттан тандалган.

 6-сентябрында Э.Б. Орусиянын мыйзамдарын бир нече жолу бузууга жана Орусияга каршы иш-аракеттерди жүргүзүүгө байланыштуу Москва шаарынын Преображенский райондук сотунун чечими менен Кыргызстандын аймагына депортацияланган.

7-сентябрда Э.Б. КР Кылмыш кодексинин 330-беренесинин негизинде кылмыш жасагандыгы үчүн айыпталып, УКМК өткөрүп берилди.

Учурда тергелип жаткан кылмыш ишинин алкагында сотко жөнөтүү боюнча тиешелүү иштер жүргүзүлүүдө.

Булак: NazarNews.kg