Өкмөттүн Ош облусундагы өкүлүнүн биринчи орун басары болуп Бактыбек Алайчиев дайындалды. Бул туурасында облустук администрациянын маалымат кызматы билдирди.

Ал 2018-жылдын июль айынан бери Өзгөн районунун акими болуп иштеп келген. Ага чейин акимдин орун басары болуп бир жыл иштеген.

55 жаштагы Бактыбек Алайчиев Ош шаарында туулган. Бишкекте Скрябин атындагы Кыргыз айыл чарба институтунда агроном адистиги боюнча билим алган.

Эске сала кетсек, Өкмөттүн Ош облусунун өкүлүнүн биринчи орун басары Байыш Юсупов облус башчысы болуп дайындалгандыктан анын орду бош турган. Ал эми жетекчи Узарбек Жылкыбаев 8-августта өз каалоосу менен кызматын тапшырып кеткен.