Ош шаарында Баткен облусунда болуп өткөн окуяларга байланыштуу 2022-жылдын аягына чейин бардык майрамдык иш-чараларды токтотуу чечими кабыл алынды. Бул тууралуу шаардык мэриянын басма сөз кызматынан билдиришти.

Мындай чечим вице-мэр Венера Рыскулова, шаардык кызматтардын жана муниципалдык органдардын жетекчилери менен өкүлдөрүнүн катышуусунда өткөн жумушчу жыйында кабыл алынды.

«Биздин жүрөгүбүздө Баткен окуясынын оорусу али басыла элек. Ошондуктан бул күндөрү иш-чараларды өткөрүү туура эмес болуп калат. Жыл аягына чейин бардык салтанаттуу, майрамдык, маданий иш-чараларды жокко чыгаруу зарыл деп эсептейм», — деди Венера Рыскулова.

Ошондой эле жеке уюмдарга жана фирмаларга майрамдык иш-чараларды өткөрүүдөн баш тартуу сунушталат

Булак: NazarNews.kg