Бабур атындагы Ош мамлекеттик академиялык өзбек музыкалык драма театрын Өзбекстан оңдоп берет. Бул тууралуу театрдын жетекчиси Азам Абдуразаковго шилтеме берип «Азаттык» жазып чыкты.

Маалыматка ылайык, имаратты оңдоого 37,5 миллион сом каражат коротулушу күтүлүүдө.

«Бул маселе президенттин иш сапарында көтөрүлдү. Бабур театрынын имараты 1979-жылы курулуп, пайдаланууга тапшырылган. Андан кийин капиталдык оңдоп-түзөөдөн өткөрүлгөн эмес», - деп айтылат билдирүүдө.

Эске салсак, Өкмөт 2020-жылы театрды оңдоого бюджеттен акча бөлгөн. Бирок пандемияга байланыштуу оңдолбой калган.

Булак: NazarNews.kg