Өзбекстан Кыргызстандагы театрды оңдоого 5 миллион доллар бөлөт
Саясат  |   |  654

Өзбекстан менен Кыргызстандын өкмөттөрүнүн ортосунда эки тараптуу эл аралык социалдык-экономикалык байланыштарды чыңдоо боюнча жетишилген макулдашууларга ылайык, Бабур атындагы Ош драма театры толугу менен реконструкцияланат. Бул тууралуу КРнын түштүк борборунун мэриясынын басма сөз кызматы билдирди.

Белгиленгендей, кечээ, 13 -сентябрда Бабур атындагы Ош академиялык музыкалуу драма театрында толук реконструкция иштери башталды. Анын жүрүшү менен вице -мэр Жасур Азимов жетектеген мамлекеттик органдардын жана коммуналдык кызматтардын комиссиясы таанышты.

Театрды реконструкциялоону аяктоо келерки жылдын башында пландаштырылган. Жумуштун жалпы баасы 5 миллион долларды түзөт. Тапшырылган долбоорго ылайык, театрдын имараты толук оңдолот.

Рушана Султонова, Ташкент

Булак: NazarNews.kg

Поделитесь с друзьями