Пакистандык студенттерди сабады делген шектүүлөр кармалды

Журналист: ЗАРЕМА ЖУМАНАЗАРОВА

21.07.2020, 16:01

26145

кылмыш жана кырсык

Пакистандык студенттерди сабаган шектүүлөр кармалды. Бул тууралуу бүгүн, 21-июлда ИИМдин басма сөз кызматы билдирди.

Министрликтин маалыматы боюнча, 19-июлда саат 23:00 чамаларында Аламүдүн РИИБге Пакистан Республикасынын 1998-жылы туулган жараны Ш.С. арыз менен кайрылып, Кой-Таш айылындагы эс алуучу жайлардын биринде бейтааныш адамдар аны себепсиз сабаганын билдирип, аларга карата мыйзам чегинде чара көрүп берүүнү суранган. Мындан сырткары ушундай эле арыз менен 2000-жылы туулган А.Х., 1997-жылы туулган Ф.С., 1995-жылы туулган А.И. кайрылган.

Стационарда иштеп жаткан студенттердин биринин мурду сынса, бири комада жатканы жана башкалардын жаракаттары бар экени маалым болду.

«Чүй ОИИБдин жана Аламүдүн РИИБдин кызматкерлери тарабынан жогорудагы чыр-чатакка катыштыгы бар делип Ысык-Ата районунун 31 жаштагы жашоочусу Э.О. менен Бишкек шаарынын жашоочулары — 30 жаштагы Д.А. менен К.Б. колго түштү. Бул факт Кылмыштардын жана жоруктардын бирдиктүү реестрине Жазык кодексинин 266-беренеси 2-бөлүмү (бейбаштык) боюнча катталды. Учурда Аламүдүн РИИБдин тергөө кызматы тарабынан сотко чейинки өндүрүш жүрүп жатат», - деп айтылат маалыматта.

Булак: NazarNews.kg