Бүгүн парламент жыйынында депутат Улукбек Садиков энергетика жана өнөр жай министри Доскул Бекмурзаевден энергетика тармагындагы абал боюнча маалымат берүүнү талап кылды.

Анын айтымында, прогнозго ылайык, быйыл катаал кыш болот, Токтогул ГЭСиндеги суунун көлөмү 12,3 миллиард кубометр, жылдык керектөө 6 миллиард куб метр.

«Биз критикалык чекитке жеттик. Министр - биз Тажикстандан электр энергиясын импорттой баштадык дейт. Министр маалымат берсин. Балким, шайлоо алдында ал калкты коркуткусу келбейт жана жылып өчүүлөр болот деп калп айтып жаткандыр? Бизге келип, элге баарын түшүндүрүп берсин. Маселени эртерээк чечели», - деди Улукбек Садиков.

Буга чейин министрлер кабинетинин башчысынын биринчи орун басары Азиз Аалиев электр энергиясын колдонууга чек коюлганын айткан. Чиновник - чектен ашса пландуу өчүрүүлөр болоорун эскертти.

Булак: NazarNews.kg