Ушу тапта иш же иш эмес күндөрүнө карабай, бир мандаттуу чөлкөмдөн ЖКнын жаңы депутаты болууну самагандардын БШКга түшүп жаткан арыздарынын саны 170тен ашты. Арызын таштагандардын ФИОлоруна назар салсак, барган сайын “винегрет” эле болуп баратат.

Кезинде, учур чакта деле, кайсы бийликтин тушунда болсун күн карама плантациясында өскөн өсүмдүктөрдөй болгон талапкерлер кайра эле жулунуп баратканын көрүп, коомдун калың контингентин ичиркентип бараткандай.18-октябрдын 18:00үнө чейин дагы далайлардын аты-жөнүн угат окшойбуз.

Мындайда люстрациялык бөгөт жок болгон соң мейли, талапкерлигин коё беришсин, бул алардын мыйзамдуу укугу. Болгону ушул ирет коомчулук эл үчүн, мамлекет үчүн мыктынын мыктысын, өлкөнүн экономикалык, социалдык, маданий жана саясий тегирменин оң жагына буруучу прогрессивдүү ой жүгүртө алгандарды тандап алышаар деген тилек. Эгерде бул ирет да адашып, алданышса, анда элдин өз шору өзүндө!

Булак: NazarNews.kg