www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргыз Республикасынын президенти Сооронбай Жээнбеков бүгүн, 23-февралда, Ата Мекенди коргоочулардын күнү менен куттуктады. Бул тууралуу өлкө башчынын басма сөз кызматы билдирди.
Мамлекет башчысынын куттуктоосунун тексти:
«Урматтуу мекендештерим!
Сиздерди эрдиктин, каармандыктын жана атуулдуктун майрамы — Ата Мекенди коргоочулардын күнү менен куттуктайм.
Өлкөбүздүн тарыхында каармандыктын изин калтырган аталарыбыздын элесине таазим кылабыз. Улуу Ата Мекендик согуштун ардагерлерине сый-урмат көрсөтөбүз.
Биздин жарандарыбыздын тынчтыгын жана бейпил турмушун коргоп, аскер турмушунун катаал сыноолорунан татыктуу өтүп жаткан жоокерлерибизди куттуктап, аларга ыраазылык билдиребиз.
Коопсуздукту камсыз кылуу — мамлекеттик саясаттын артыкчылыктуу багыты, ал эми мекенди коргоочу — коомдогу эң зарыл жана ардактуу кесип бойдон калат.
Бардык кыргызстандыктарга ден соолук, бакты-таалай жана ийгиликтерди каалайм.
Жараткан колдоп, ар дайым жергебизде тынчтык, элибизде ынтымак, ар бир үйдө бакубатчылык болсун!»
Булак: NazarNews.kg
< Предыдущий
Следующий >
Последние новости
