Франциялык «Пари Сен-Жермен» футбол клубу курама команданын чабуулчусу Килиан Мбаппени 300-350 миллион евро компенсацияга сатууга даяр. Бул тууралуу The Telegraph жазды.

Футболчунун 2025-жылга чейин келишими бар. Бирок, клуб эгер Мбаппе кеткиси келсе жана тиешелүү сунуш түшсө, аны сатууга даяр. Учурда «Пари Сен-Жермен» Мбаппени 300-350 миллион еврого баалап жатат.

“Реал Мадрид” Килианга бизден көбүрөөк сунуштады. Бирок, футболчу бизди тандап алды. Бул эң маанилүү билдирүү болду. Ал бул жерде ойноону тандаган жана кеп  акчада эмес», — деди ПСЖнын булагы.

Эске салсак, Килиан Мбаппе турнирдин жети беттешинде сегиз гол киргизип, Катарда өткөн дүйнө чемпиондугунун мыкты бомбардири аталды. 

18-декабрда, Доха шаарында  футбол боюнча дүйнө чемпионатынын финалдык беттеши өтүп, анда  Аргентина менен Франциянын улуттук курамалары ойноду. Соңунда Аргентинанын курамасы жеңишке жетип, дүйнө чемпиону аталды.

Булак: NazarNews.kg