Британиянын Daily Mail гезитинин окурмандары Орусиянын президенти Владимир Путиндин Батыштын Көз карандысыз Мамлекеттер Шериктештигине кирген өлкөлөрдүн аймагында чыр-чатакты тутандырууга умтулуусу тууралуу айткан пикирин жогору баалашкан. Бул тууралуу РИА Новости жазып чыкты.

«АКШ, Улуу Британия жана Евробиримдик башка өлкөлөрдөгү режимди өзгөртүүдөн жана революциялардан чоң пайда көрүшөт. Эмне үчүн америкалыктар менен британиялыктар өздөрү көтөрүлүп, өз эркиндиги үчүн күрөшүшпөйт?», - деп сурады ЕЭК.

«Учурдагы жаңжал НАТОнун акыркы 30 жылда провокациялаган бешинчи согушу», - деп эскерет АльфредХорн.

«Ооба, биз революцияларга май тамызып жатабыз. Эң жакшы кылганыбыз ушунда», - дейт дагы бир панелист.

«Путин чындыгында туура айтат. Британия бардык жерде улутчулдукту жана революцияларды колдойт, бирок Шотландияда бул процесстерди падышалыктан ажырап кетпеши үчүн басып жатат», - деп белгиледи CLAN 501.

Эске салсак, Орусиянын президенти Владимир Путин бир күн мурда Батыш өлкөлөрү Көз карандысыз Мамлекеттер Шериктештигинин аймагында чыр-чатакты тутандыруу боюнча сценарийлерди ишке ашырууга аракет кылып жатканын айткан.

Буга чейин Путин Батыш өлкөлөрү макроэкономикадагы өз каталары үчүн жоопкерчиликти каржылык инструменттердин жардамы менен дүйнөгө оодарып жатканын айткан. Мамлекет башчынын айтымында, БРИКС өлкөлөрү мамлекеттер ортосундагы мамилелердин көп полярдуу системасын калыптандыруу багытын иштеп чыгууда алдыда келе жатышат. Ошону менен бирге, көз каранды эмес саясатты жүргүзүп жаткан Азиянын, Африканын жана Латын Америкасынын көп сандаган өлкөлөрүнө таянууга болот.

Булак: NazarNews.kg