www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
"KAZ Minerals Bozymchak" компаниясынын башкы директору Ильяс Тулекеев камактан бошотулду. Бул тууралуу ишкананын коомчулук менен байланыш адиси Елена Трегубова “Азаттыкка” ырастады.
Анын айтымында, Экономикалык кылмыштарга каршы күрөш кызматы кармаган Тулекеевдин бөгөт чарасын Бишкектин Биринчи май райондук соту карап, сот залынан бошоткон. Учурда Ильяс Тулекеев Кыргызстанда экенин Трегубова кошумчалады.
"KAZ Minerals Bozymchak" компаниясынын башкы директору Ильяс Тулекеев 26-майда "Манас" эл аралык аэропортунда кармалып, тергөө абагына камалганы кабарланган. Экономикалык кылмыштарга каршы күрөш кызматы бул боюнча кенен комментарий бере элек. Баштапкы маалыматтарга караганда, ал "салыкты жаап-жашырган" деп шектелип жатышы мүмкүн.
Ильяс Тулекеев "KAZ Minerals Bozymchak" жоопкерчилиги чектелген коомун түзүлгөндөн бери жетектеп келатат. “KAZ Minerals Bozymchak KAZ Minerals PLC” компаниясына кирет. Аталган компания Кыргызстанда 2007-жылы "Казахмыс Голд Кыргызстан" деген аталыш менен иштей баштаган. 2015-жылдын 31-октябрында "KAZ Minerals Bozymchak" болуп өзгөргөн. Компания "Ала-Бука" районундагы Бозумчак алтын-жез кенин иштетет - деп билдирди Азаттык.
Булак: NazarNews.kg
< Предыдущий
Следующий >
Последние новости
