Казакстанда 26-апрелде Поддубный Wrestling League эл аралык күрөш лигасынын алкагында кезектеги күрөш кечеси өтүп, килем үстүндө турнирдин негизги беттешинде кыргызстандык Акжол Махмудов менен орусиялык Роман Власов күч сынашат.

Бул боюнча орусиялык балбан Роман Власов билдирүү жасады.

"Бүгүнкү күндө биздин спортту Акжол Махмудов көркүнө чыгарып жатат деп ойлойм. Ал көп трюктарды жасайт, анын өзгөчө стили, мыкты грэпплинги мактоого арзыйт. Ал жаркыраган стилде дүйнөнүн чемпиону болду. Бул жолугушуу мен үчүн чоң чакырык, ал мени формамдын туу чокусуна жеткирет. Мен өзүмдүн мыкты экенимди далилдеш үчүн колумдан келгендин баарын жасайм", - дейт Роман Власов.

Булак: NazarNews.kg