Мурдагы депутат, азыр «Республика» партиясында активист катары чуркап жүргөн Роза Акназарованы билесиңер да. Шефине жагууну көздөгөнбү, айтор, Роза айым үлкөн саясатчыларга чалып, «Бабанов же Казакбаев менен жолугушуу уюштуруп берейинби? 1-июлдагы партиянын съездине келип бересизби?» дегендей чоркок жүрүшүнө салып, уят болуп атканы «Азия Ньюстун» офисине чейин угулду.

Биз менен сүйлөшкөн саясатчылар мыйыгынан жылмайышып, «Бабанов менен ортомчусу жок эле түз сүйлөшөбүз, бул аял эмне эле делбектейт?» деп нааразы болуп атышат. Дал ушундай маанилүү жагдайларды Өмүрбек Токгогулович эске алып, штабындагы «аксак-тескек» образда жүргөндөрдү ырааттуулукка чакырып, тарбиялап, түздөп койсо деген тилек.

Булак: “Азия Ньюс”