Бүгүн, 5-апрелде саат 13:00 Ак үйдүн алдына Садыр Жапаровдун бир туугандары митинг өткөрөт. Бул тууралуу учурда камакта жаткан экс-депутаттын бир жакындары билдирди.

“Учурда бийлик Садыр Жапаровду СИЗО-1ден УКМКнын абагына которуу, бир туугандарына кысым көрсөтүүнү токтотушу керек. Буга чейин, Садыр Жапаров жаткан камерада видеокамера бар деп айтышкан. Ошол камерадагы тартылган тасмаларды ачыкка чыгарып, СИЗО-1дин жетекчилигине кылмыш иши козголсун. Мамлекет Садыр Жапаровдун алты санын аман камакка алган, эми тыкыр көзөмөлгө алсын”, - деген пикирин айтышты.

Эске сала кетсек, 25-март күнү чет жакта жүргөн Садыр Жапаровду чек арадан УКМК кызматкерлери кармап кеткенден кийин, СИЗО-1 тергөө абагына камакка алынган.

Садыр Жапаров, 2-апрель күнү моюндун күрөө тамыры жана сол колунун кан тамырлары кесилип оор абалда ооруканага түшкөн.  

Булак: NazarNews.kg