КР Өкмөт башчысы Сапар Исаковго,

Жогорку Кеңештин депутаттарына

Теңир Тоонун тыңчыкма

эр азаматтарына

                                             КАЙРЫЛУУ

КР Өкмөт башчысы Сапар Исаков жана Теңир-Тоонун кулундары. Биздин сиздерге кайрылып жатканыбыздын себеби: карапайым эл ошондой эле улуттук оюндарды өнүктүрүү борбору Сиздин буга чейинки дүйнөлүк көчмөндөр оюнун өткөрүп жана уюштуруп жатканыңыздарды колдоп келебиз.

Ошондой эле быйылкы 2018-жылы өтө турган маданий иш-чараңызга жигердүү колдоо көрсөтүп беребиз деген тилекте турабыз. Өкүнчтүүсү Теңир-Тоонун канчалаган тыңчыкма, бийчыкма чыгаандары туруп сиз Өкмөт башчы болуп турганда жана сиздин маданий идеяңызды бүгүнкү күндө көңүлкош сыртын салып карап тургандыгы бизди өкүндүрөт. Теңир-Тоо эли байдөөлөт, мал жандуу, токпейил, жигиттери ат үстүндө эркин ойноп кыргыздын каада салттарын бүгүнкү күнгө чейин үзбөй сактап келишкен. Тилекке каршы, бүгүнкү күндө Теңир-Тоодон “көк бөрү”,  “эр эңиш” оюндары ушул тапта  мамлекеттик деңгээлде уюшулбай команданын жоктугунан Теңир-Тоонун эр азаматтары башыбызды жерге салып келебиз.

Сизден өтүнүч жаш болсоңуз дагы бийликтин бир бутагын кармап эл башкарып турасыз. Теңир-Тоонун чыгаандарын башын бириктирип, ынтымакка чакырып, көк бөрү командасын уюштуруп, башында туруп берүүңүздү суранабыз.

“Эл намысын – эр намысы коргойт” демекчи, бүгүнкү күндө Теңир-Тоонун намысын коргойт деген ишенимдебиз.

Сизди терең урматтообуз менен Теңир Тоонун  “Көк бөрү” командасы жана уюштуруу комитетин төрагасы                                      Шайлообек Алымкулов.