Бүгүн, 20-январда Кыргыз Республикасынын Коопсуздук кеңешинин катчысы Марат Иманкулов Сауд Аравия Королдугунун Куралдуу күчтөрүнүн Башкы штабынын башчысы Файяз бин Хамад Аль-Рувайли менен жолугушту. Бул тууралуу президенттик аппараттын маалыматтык саясат кызматы билдирди.

Жолугушууда тараптар аймактык коопсуздукту, терроризмге жана экстремизмге каршы аракеттенүү жаатындагы кырдаалды жана учурдагы эл аралык абалды талкуулашты. Мамлекеттер ортосундагы чакырыктарга жана коркунучтарга жооп берүү жаатында гана эмес, экономикалык өнүгүү жаатында да кызматташуу тууралуу сүйлөшүлдүү.

Марат Иманкулов эки өлкөнүн элдеринин кызыкчылыгы үчүн мындан аркы биргелешкен жемиштүү ишке даяр экенин билдирди.

Булак: NazarNews.kg