Кыргыз үчүн жалындап күйүп турдуң,

Жарык чачып күн болуп тийип турдуң.

Чындык үчүн чыркырап жалгыз өзүң,

Парламенттен, соттордон бийик турдуң!

 

Чындык үчүн күрөштү баштап кеттиң,

Чымын жаның чыркырап какшап кеттиң.

Чындык жанып от болуп тутансын деп,

Дүрт эттирчү учкунду таштап кеттиң.

 

Акыйкатсыз жашоого көнгөн жоксуң,

Чындыгы жок келечек көргөн жоксуң.

Акыйкаттын символу болуп калдың,

Сен өлбөдүң.., Уланбек...өлгөн жоксуң,

Маматкадыр. 26.07.18.

Булак: NazarNews.kg