Элибизден суранаарым; провокацияга алдырбоого, ушака ишенбөөгө, ар дайым Садыр Нургожоевич менен Камчыбек Кыдыршаевичтин ишмердүүлүгүн колдоп турууга чакырам! Мындай пирин “Мекенчил” саясий партиясынын борбордук штабынын жетекчиси Шүкүрбек Эркебаев өзүнүн Facebook баракчасына жазып чыкты.

"Урматтуу кыргыз элим,

30 жыл казынаны жеген уурулардан чарчаган, адилеттиктин жоктугуна чыдабаган, коррупцияга малынган бийлике нааразы болгон эл көтөрүлүп, 5-октябрда бийликти алмаштырды эле.

Ошол көтөрүлгөн жалпы элдин талабы менен президентибиз Садыр Жапаров жана УКМКнын жетекчиси Камчыбек Ташиев колу туткак ууруларга, уюшкан кылмышкерлерге катуу чабуул жасап, бир канчасын кустурду, кээ бирин тор артына тыгышты. Эми ошол тор артына тыгылган келемиштердин, кусуп берип тамагы айрылып, геморройу чыккандардын кээ бир тарапташтары соц сеттер аркылуу Садыр Жапаровду, эми ден-соолугу менен алышып жаткан Камчыбек Кыдыршаевичке акаарат келтирип, анча-мынчасы каргап шилегенге да үлгүрүштү.

Мен ошол оозуна алы жетпеген, арам ойлуу акмактарга, өз баласын каргаган ТЕЙИТ ханга окшогон саткындарга айтаарым; бүтүндөй кыргыз эли колдогон Садыр Жапаров менен Камчыбек Ташиевге силерге окшогон мекенин, элин-жерин кордогон жана саткан кара ниеттүү адамдардын жаман дубалары кабыл болбойт.

Буюрса, Камчыбек Кыдыршаевич опеациядан кийин келечектүү Кыргызстаныбызга жаркылдап кирип келет, дагы да элибиздин канын ичкен канкорлор менен, өз жерин саткан саткындар менен, ырыскы жеген келемиштер менен күрөшөт, элибиз үчүн коопсуз мамлекетти, акыйкат жашоону, адилеттүү заманды орнотууга салымын кошот деп ишенем.

Элибизден суранаарым; провокацияга алдырбоого, ушака ишенбөөгө, ар дайым Садыр Нургожоевич менен Камчыбек Кыдыршаевичтин ишмердүүлүгүн колдоп турууга чакырам! Тээ замандан бери уюткулуу Улуу кыргыз калкын колдоп келген жараткан, мындан ары да үстүбүздөгү мыкты инсандарыбызды кудурети менен коргоосуна алат деп дуба кылабыз", - деп белгиледи ал.

Булак: NazarNews.kg