Түштүк Африканын мурдагы президенти Джейкоб Зума Эсткурдагы ооруканага жаткырылды. Бул тууралуу Reuters агенттиги билдирди.

Маалымат үчүн айта кетсек, Зума мыйзамды сыйлабагандыгы үчүн 15 айга эркинен ажыратылган.

79 жаштагы мурдагы президент Зума ага каршы коррупциялык сот иши башталардан бир нече күн мурун ооруканага жаткырылган.

"Ар бир туткун, ал тургай өкүмү күчүнө кирген соттолгон адам, мыйзамды сыйлап, анын ичинде дарылануу укугун урматтоо менен жазасын өтөөгө укуктуу", - деп айтылат Жаза аткаруу министрлигинин билдирүүсүндө.

Маалыматтарга караганда, Зуманын абалы канааттандырарлык. Бирок, ал кандай ооруу менен жабыркап ооруканага түшкөнү белгисиз.

Булак: NazarNews.kg