Милицияга 1-августта жабырлануучу кыз кайрылып, 31-июлда Манас проспектисинде бейтааныш адамдар кол салып,. анын 3 уюлдук телефонун жана 14 миң сомун алып кетишкенин айткан. 

Биринчи май райондук ички иштер башкармалыгынын басма сөз кызматы билдиргендей, бул факт КР Кылмыш-жаза кодексинин 206-беренесинин (Каракчылык) негизинде каттоого алынган.

Кылмышка шектелип 2002-жылы туулган А.А. жана 1989-жылы туулган Н.Н. кармалып, убактылуу кармоочу жайга киргизилген. 

Тергөөнүн жүрүшүндө алардан 6 телефон табылган. Шектүүлөрдүн ушул сыяктуу кылмыштарга катыштыгы бар экени аныкталган.

Булак: NazarNews.kg