СҮРӨТ- Энтони Блинкен Казакстанга келди

Журналист: АЙСУЛУУ ТАЛАНТ

28.02.2023, 12:03

14673

борбордук азия жаңылыктары

АКШнын мамлекеттик катчысы Энтони Блинкен расмий сапар менен Астанага келди. Бул тууралуу Твиттерде мамлекеттик катчы менен учакта учкан батыш журналисттери жазып чыгышты.

«Блинкен Борбор Азияга сапарын Казакстандан ачты, аны түнкү саат экиде суук Астанадагы шамал соккон талаада тосуп алышты. Температура минус 8 градус Цельсий», - деди AFP агенттигинин кабарчысы Шон Тандон.

We've just landed in Astana, Kazakhstan as part of @SecBlinken's trip to Central Asia and India (for the G20 foreign ministers meeting).

Here's my quick preview piece from Friday: Blinken Aims to Pressure Russia on Trip to Central Asia, India https://t.co/ztkiV5XzFI pic.twitter.com/B4ietMFvEs
— Iain Marlow (@iainmarlow) February 27, 2023

Астана аэропортунан тартылган сүрөттү Bloombergдин кабарчысы Ян Марлоу жарыялады.

«Биз АКШнын мамлекеттик катчысы Энтони Блинкендин Борбор Азияга жана Индияга сапарынын программасынын алкагында Казакстандын Астана шаарына жаңы эле кондук», — деп айтылат маалыматта.

АКШнын мамлекеттик катчысынын Казакстанга иш сапары менен келээри 24-февралда белгилүү болгон. Казакстан Республикасынын Тышкы иштер министрлиги белгилегендей, 28-февралда Астанада Блинкендин катышуусунда Борбор Азия өлкөлөрүнүн жана АКШнын тышкы иштер ведомстволорунун жетекчилеринин С5+1 форматындагы министрлердин жолугушуусу болот. Күн тартибинде АКШ менен аймактык кызматташтыкты жана өнөктөштүктү мындан ары өнүктүрүү маселелери бар.