Садыр Жапаров Нурлан Сулайманкуловду президенттик аппараттын президенттин жана министрлер кабинетинин чечимдеринин аткарылышын көзөмөлдөө бөлүмүнүн башчысы кызматына дайындоо тууралуу жарлыкка кол койду. Бул тууралуу мамлекет башчынын басма сөз кызматы билдирди.

Эске салсак, 2016-жылы Бишкектин прокурору Нурлан Сулайманкулов менен Жогорку Кеңештин учурдагы депутаты Таалайбек Сарыбашов Ош облусунун ыйгарым укуктуу өкүлү болуп турганда түшкөн сүрөттөр социалдык тармактарда сынга алынган. Алардын үстүндө кол алдындагылар жаандан коргоп, кол чатыр кармап турушкан. Бул көрүнүш коомчулукта талкуу жаратып, чиновниктер сынга алынган.