Бишкек шаарынын мэри Азиз Суракматов кайрадан кыргыз тилинен тестти тапшыруу сунушунан баш тартканын Жергиликтүү маалымат каражаттары жазып чыгышууда. Бул тууралуу маалыматты мэриянын аппарат башчысы Балбак Түлөбаев журналисттерге билдирген.

- Мэриянын юридикалык бөлүмү кыргыз тилинен экзаменди кайра тапшырууга юридикалык негиз жок деп корутунду чыгарды. БШК сунуш гана кылды, - деп маалымат берген. 

Эске сала кетсек, БШК Бишкек жана Ош шаарларынын мэрлерин “Кыргызтесттин” сынагынан өтүүнү сунуштады, бул сунушту БШКнын 6 мүчөсү колдошту. БШК төрайымынын белгилешинче, комиссияда милдеттендирүү укугу жоктугунан улам талапкерлерге сынактан өтүү сунушун гана бере алышат.

Бул чечимди БШК Кыргыз Республикасынын Өкмөтүнүн 2017-жылдын 13-июлундагы №430 токтомуна негизиндеген. Буга чейин журналист Канышай Мамыркулованын бул боюнча талабына БШКнын жумушчу тобу каршы чыгып жаткан болчу.

Булак: NazarNews.kg