Журналист Канышай Мамыркулова Фейсбуктагы өзүнүн баракчасына Элмирбекти бир “чувак” деп атаган “КЛООПтун” журналисти Марат Абдыкалыковго нааразылыгын билдирди.

"УКМК тез арада мына бул фейктердин ээлерин тапсын. Улуттун уңгусуна кол салгысы келгендер менин... сенин... баарыбыздын катарыбызда отурат...", - деп төмөнкү сүрөттү жүктөгөн: 

Жогорудагы сүрөттө “КЛООПтун” журналисти Марат Абдыкалыков, Элмирбек Иманалиевди тааныбайм, кайдагы бир чувак каза болсо, элдин баары барышыптыр деп нааразы пикирин Фейсбук баракчасына жазып чыккан.

Эл ага нааразычылыгын билдирип, уруша баштаганда бул постту өчүрүп, аны урушкан элге жооп берген видеосун жарыялады. Видеосунун үстүнө уят сөздөр менен сөгүнгөн сөздү жазган.

Белгилей кетсек, бүгүн, 22-апрель күнү кыргыздын чыгаан төкмө акыны Элмирбек Иманалиевди акыркы сапарга узатуу зыйнаты өткөн.

Маркум менен коштошуу үчүн жакындары, үзөңгүлөштөрү болуп жалпы саны 200дөн ашык адам келген.

Булак: NazarNews.kg