Сүрөт - Казакстанга мыйзамсыз өтүүгө аракет кылган 6 кыргыз жараны кармалды
Кылмыш жана кырсык  |   |  5489

Казакстан чек ара кызматы «Карасу» көзөмөл-өткөрмө бекети аркылуу Казакстан тарапка мыйзамсыз өтүп бараткан Кыргызстандын жарандары кармалганын билдирди. Бул тууралуу «Zakon.kz» басылмасы жазды.

Басылманын маалыматы боюнча, «Ак-Тилек» көзөмөл-өткөрмө бекети аркылуу Кыргызстандан келаткан «Mercedes-Benz» кичибусун «Карасу» бекетинен Казакстандын чек арачылары тосуп, текшерүүгө алган. Кичибуста паспорт көзөмөлүнөн жашынып, эч кандай каттоого турбастан, чек араны мыйзамсыз кесип өтүүгө аракет кылган Кыргызстандын 6 жараны болгон.

Белгилей кетсек, учурда кичибустун айдоочусуна жана ичиндеги кыргыз жарандарына карата кылмыш иши козголду.

Булак: NazarNews.kg

Поделитесь с друзьями