Орусиянын Кыргызстандагы элчилигинин басма сөз кызматынан кабарлашкандай, үстүбүздөгү жылдын 2-апрелинде Ош шаарында, ал эми бүгүн, 5-апрелде Бишкекте Башкы консулдуктун жана Орусия элчилигинин катышуусунда РФдагы келген ун түрүндөгү жардамды өткөрү берүү иш-чарасы болгон.

Маалыматка ылайык, азык-түлүк 5 миң 500 үй-бүлөгө жана өлкөнүн аймактарындагы 78 мептеп окуучусуна максаттуу таратууга багытталган.

Жардам берүү Орусия Федерациясынын 2020-2021-жылдарга БУУнун дүйнөлүк тамак-аш программасы фондуна 9 млн доллар көлөмүндө ыктыярдуу максаттуу төгүмдөрүнүн алкагында ишке ашты.

«Орусия Кыргызстанда тамак-аш коопсуздугун бекемдөө боюнча мындан башка дагы эл аралык долбоорлорду каржылоону улантат. Орусиянын финансылык жана техникалык жардамынын аркасында республиканын 700 мектебиндеги 400 миңге жакын окуучу ысык тамак-аш менен камсыз болду», - деп айтылат билдирүүдө.

Булак: NazarNews.kg