Кордай районундагы чыр-чатактан Казакстандан Кыргызстанга чек ара пункттарынан 24 миң киши өттү. Бул тууралуу Жымбыл облусунун жаңы акими Бердибек Сапарбаев Сортобедеги  брифингде билдирди.

“Аухатты”, “Карасу” көзөмөл-өткөрмө бекеттеринде чектөөлөр жок. Азыркы учурдагы акыркы маалыматтарга карганда 24 миң киши Кыргызстан тарапка өткөн.

Кечээ Кыргызстанга качкан аксакалдар, аялдар жана  жаштар кайра Казакстанга кайта башташты”,-деп журналисттерге Бердибек Сапарбаев айткан.  

Кечээ кечинде Казакстандын президенти Касым-Жомарт Токаев мурдагы Жамбыл облусунун акимин жумуштан бошотуп, акимдикке Бердибек Сапарбаевди дайындады..

Буга чейин КРнын Мамлекеттик чек ара кызматы чек арадан 4 миң гана киши өткөн деген маалымат берген.

Казакстандын расмий кабарына караганда бул чыр-чатакка 1 миң киши катышып, алардын 11и каза болсо,  40ы жараат алып, 50сү кармалды. Бул кагылыштын кесепетинен 30 дан ашуун үйлөр, 15 соода обьекти, 23 автоунаа жабыр тартты.

Учурда Кордай районунда өзгөчө кырдаал абалы киргизилген.

Булак: NazarNews.kg