Жанга алып бурганак,

Жалын көзүң нурданат.

Кагылайын секетим,

Кайда журдүң мурдаарак, - деген ыр саптарын атактуу ырчы Сыймык Бейшекеев Фейсбук баракчасына жазып чыкты.

“Сүйүүтай деген жаңы кайрык, негизи иштелбей жаткан ыр эле. Бүгүн “элге көрүнчүмүн”, деп эски дептерден ээ бербей чыгып алды.

2005-жылдары болсо керек, манасчы досум Рысбай Исаковго кадыр салып атып жаздырган элем сөзүн. Буйруса жакында ымыркай ырдын жээнтек тоюна чакырам”, - деп кошумчалаган Сыймык мырза.

Эми Сыймык мырзанын сөздөрү шурудай тизилген ыр саптарын обондуу ыры менен күтө туралы. Мындай сүйүүгө арналган атактуу ырчынын ырына ийгилик каалайбыз.

Булак: NazarNews.kg