Афганистан Ислам Эмиратынын жогорку лидери Хебтулла Ахунд Афганистандын Кандагар аймагына 29-августта барганы боюнча маалымат тарады. Ал каяктан барганы белгисиз, деп маалымдайт «Khaama».

Ал айрым аймактардын уруу лидерлери менен жолуккан. Дүйнө боюнча 1 гана сүрөтү бар жогорку лидер Кабул шаарына барып, «Талибандын», афган бийлигинин өкүлдөрү жана лидерлери менен бир катар жолугушууларды өткөрө турганы айтылууда.

Буга чейин «Талибанды» түзүүчүлөрдүн бири жана бул кыймылдын Доха шаарындагы кеңсесинин башкаруучусу Абдулгани Барадар Кандагарга конгон. Андан кийин делегация менен Кабул шаарына барганы белгилүү.

Булак: NazarNews.kg