Ташиевден бир гана Түмөнбаев коркпой эмне деди?

Журналист: NAZARNEWS

18.10.2023, 20:10

116497

саясат

9-октябрда ЖК депутаты Акылбек Түмөнбаев УКМКга суракка барып чыкты. Эмне тууралуу соболдор берилгени ачыкталган жок. “Камчыбек Көлбаевге топурак салганы үчүн чакырылды” деген божомолдор айтылды.

Негизи кызык жагдай бар да. Камчыбек Ташиевдин душманы Өмүрбек Бакиров мандатынан ажырап атса, Акылбек Түмөнбаев катуу каршылык көрсөтүп, комиссия түзүүгө жан үрөгөн. Коллегасы үчүн эч жалтанбай болушуп, позициясына бекем турган эле. Анан көп өтпөй Көлбаев атылганда кайгырып, жаназасына барып, топурак салды.

Бул көрүнүш да Ташиевге карата протесттик кадам экени, ачык сындабаса дагы кастарын тигип турганын байкатты. Мындан аркы кадамдары кандай болот? Президенттин кудасы катары эле кыр көрсөтүп келгенби, же өзүнүн ички духу, кайраты да барбы?

Эгерде Түмөнбаев чындап эле Ташиевге каршылык көрсөтсө, камалып кетпейби? Негизи маселе курч мүнөзгө айланып баратат да, байкалып эле атпайбы. “Коркпойм, көрөбүз...” деген сөздөр бекер жерден айтылбайт го?

Булак: АЗИЯnews гезити