Парижде өтүп бара жаткан адам таштанды челектин жанынан 19-кылымдын аягындагы скрипканы таап алган. Бул тууралуу Лента.ру маалымат агенттиги  жазды.

Маалыматы боюнча 55 жаштагы Елийсей чөлкөмүндөгү оркестринин музыканты Энрико Тедденин аспабы 2021-жылдын ноябрь айында уурдалган. Белгилүү венециялык скрипка жасоочу Джулио Деганинин колу коюлган скрипканын баасы 100 миң еврону түзөт.

"Менин скрипкам бир аз кир болчу,көпүрөсү бир аз жылып кетти ", - деп бөлүштү скрипкачы.

Скрипканы тапкан аял сыйлыктан баш тартып, атын атагысы келбегени белгиленген. Бирок Елисей чөлкөмүндөгү оркестрдин 30 жылдыгына арналган концертке чакыруу алган. Ал 15-майда болот.

Булак: NazarNews/kg