Бүгүн, 25-ноябрда Жогорку Кеңештин жыйынында Эмгек жана социалдык өнүгүү министри кызматына Ализа Солтонбекованын кандидаты каралып жатат.

Анда депутат Тазабек Икрамов Солтонбекова эң оор министрликке кетип жатканын айтты.

“Сиз өтө оор министрликке кетип жатасыз. Бирок сиз тажрыйбаңыз бул тарапта бар. Эң биринчи ушу менен күрөшүнүз. Чырмалышкан, коррупцияланышкан министрликти жойгону барышыңыз керек. Андан тышкары, министрликте иштеп жаткан адамдар мүмкүнчүлүгү чектелген, муктаж адамдардан акча алып, туура эмес ишти жүргүзүп жаткан кызматкерлер менен күрөшүүнү башташ керек. Себеби, бүгүнкү күндө пособия алабыз деген маселе өтө кыйын болуп калды. Айыл башчыдан баштап, силердин кызматкерлер кирип жатат”,-дейт депутат.

Булак: NazarNews.kg