Тажикстан Республикасынын Саламаттыкты сактоо жана социалдык коргоо министрлиги 2020-жылдын 29-апрелинде өлкөдө коронавирустун бар экендигин расмий тастыктады.

Маалыматка ылайык, Тажикстанда 15 адамдан коронавирус илдети аныкталган. 

Өлкө аймагында илдетке кабылган адамдар бар экени пандемияны алдын алуу боюнча түзүлгөн Республикалык комиссиянын шашылыш жыйынында жарыяланган. Чогулуш өлкөнүн премьер-министри Кохир Расулзоданын жетектөөсүндө өткөн.

15 кишинин 10у Хожентте, бешөө Душанбе шаарында экени айтылды.

Булак: NazarNews.kg