www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстанда 15-июндан тартып бардык курорттор менен санаторийлер эки айлык тыныгуудан кийин эс алуучуларды кабыл ала башташты.
Эс алуу жайлары 30-апрелде өлкөдө коронавирус бар экени расмий жарыялангандан кийин жабылган. Алардын айрымдарына чет өлкөдөн келген жарандар эки жумалык карантинге жаткырылган.
Эрежеге ылайык, курорттор менен санаторийлер күн сайын дезинфекциялык каражаттар менен тазаланып, адамдар ортосунда социалдык аралык сакталышы керек. Меймандарга жеке коргонуу каражаттарын пайдалануу зарылдыгы эскертилиши шарт.
Тажикстанда туризмди өнүктүрүү боюнча комитеттин өкүлү Абдукарим Курбоновдун айтымында, ушу тапта өлкөдөгү 280 туристтик объект меймандарды кабыл алууга даяр.
2019-жылы Тажикстанга чет өлкөлөрдөн бир миллиондон ашуун киши турист катары келген. Өлкө ичиндеги туристтердин саны 400 миңден ашкан.
Тажикстанда 60тан ашык балдар лагерлери менен ден соолукту чыңдоо мекемелери бар. Алардын көбү Варзоб районунда жайгашкан.
Булак: NazarNews.kg
< Предыдущий
Следующий >
Последние новости
