Саламаттык сактоо министрлиги учурда чоң тема ал жерди ээлеп алууга умтулган Темике коронавируска каршы күрөшө алабы? Бардыгы убактылуу, бардыгы өтөт эртең эле Саламаттык сактоо министрлигинен эл сурайт. Темир Сариевге Кыргызстандын келечеги эмес, бийлик керек экенин көпчүлүк түшүнүп калды. Акыркы мезгилдеги эле анын саясий кадамдары анын ким экенинин бетин ачты. Шайлоо баштала элек жатып Темир Сариев биринчилерден чамынып өз партиясы «Ак шумкарды» садага чаап, «Ата-Мекен» партиясы менен жарышка чыгарын эл алдына жарыя кылган. Көп өтпөй бул партия менен келише албай, «Бүтүн Кыргызстан» партиясына оогондугу тууралуу маалыматтар жарыяланды. «Бүтүн Кыргызстан» партиясы да аны ары оонатып, бери оонатып кереги жок экен деп, сыртка чыгарып коюшкан. Ошентип жүрүп шайлоонун тизмеси түзүлүп, Темир мырза эч жакка кошулбай калган.

Чыр чыккан жерден кыя өтпөгөн Темир Сариев эми шалпаңдап Атамбаевдин аркасынан ээрчип калыптыр. Атамбаев президент кезинде экономика министри болуп жүргөн Сариев 2015-жылы премьер-министр катары өкмөттү жетектеп калат. 2015-жылдын аягында Кытайга иш сапары менен барып дайынсыз бир фирманы таап келип, тендер жарыяланган Балыкчы-Корумду жолун берет. Ушунун негизинде Атамбаев аны өкмөт башчысынан кубалап түшүп, артынан узакка кара пиар сүйкөгөн.

Темир Сариев Атамбаев камалар менен Садыр Жапаровдун артынан түштү. Бүгүн саясий окуялардан улам Темир Сариевке Саламаттык сактоо министрлиги буюруптур, анын артында АКШ деле турган жок, аман бололу кыргыздар.

Азизбек КЕЛДИБЕКОВ, NazarNews.kg