Кыргызстандын Екатеринбург шаарындагы Башкы консулдугу Уралдын борбор шаарынын Тарых аянтында жыл сайын өткөрүлүүчү Рождество жарманкесинин ачылышына катышты. Бул тууралуу Тышкы иштер министрлигинин маалымат кызматынан билдиришти. 

Салтка айланган жарманкеге Россиянын Тышкы иштер министрлигинин Екатеринбургдагы өкүлчүлүгү, шаардын башкармарлыгы, чет мамлекеттердин консулдук мекемелери жана иш-чаранын коноктору катышты.

Жарманкеде Кыргызстандын Башкы консулдугу улуттук тамак- аштарды, суусундуктарды жана башка даамдарды алып чыкты.

Өзүнүн сөзүндө Кыргызстандын Башкы консулу Руслан Бийбосунов иш-чаранын бардык катышуучуларын келе жаткан Рождество жана Жаңы жыл майрамдары менен куттуктады, уюштуруучуларга ыраазычылыгын билдирди, улуттук тамак-аштарды тартуулады жана аларды даярдоо салттарын айтып берди.

Булак: NazarNews.kg